Дотоод хэргийн их сургууль 2019 оноос сургалтын хөтөлбөрийг үндэсний хэмжээнд магадлан итгэмжлүүлэх ажлыг эхлүүлж, тус онд магистрын 1, 2020 онд бакалаврын 4, 2021 онд бакалаврын 2, 2022 онд магаистрын 3, 2023 онд докторын 1, магистрын 1, бакалаврын 1, 2024 онд магистрын 3, бакалаврын 1, 2025 онд бакалаврын 2, нийт 19 хөтөлбөр буюу нийт хөтөлбөрийн 51%-ийг үндэсний хэмжээнд магадлан итгэмжлүүлээд байна.

Олон улсын хамтын ажиллагааг өргөжүүлэх, хөтөлбөрийн хүлээн зөвшөөрөгдөх байдлыг нэмэгдүүлэх хүрээнд 2025 онд Холбооны Бүгд Найрамдах Герман улсад төвтэй “Accreditation, Certification and Quality Assurance Institute (ACQUIN)” олон улсын магадлан итгэмжлэлийн байгууллага, БМИҮЗ-тэй хамтран “Эрх зүй”, “Онцгой байдал-гамшиг судлал” бакалаврын сургалтын хөтөлбөрийг олон улсад магадлан итгэмжлүүлэх ажлыг зохион байгуулсан бөгөөд 2025 оны 10 дугаар сарын 13-15-ны өдрүүдэд хамтарсан шинжээчдийн баг Их сургуулийн байрлалд ажиллаж “Нөхцөлгүй” бүрэн магадлан итгэмжлэх шийдвэрийг гаргасан.